Style de vie

عايدة عرب لبية الزردي: مستواك سيزيام..ورد بالك تنسي أنك شعبة قصيرة مهنيّة إلّي هي الخياطة

ردا على تصريحات المنشطة بية الزردي حول تقييمها لخرّيجي معهد الصحافة و علوم الاخبار

عقّب اكثر من صحفي خرّيج المعهد على كلامها و انهالت على بية الزردي موجة من الردود القوية و التي تتضمن في البعض منها تلميحا على تاريخ المنشطة .

في ذات السياق توجهت الاعلامية عايدة عرب برسالة الى بية الزردي مفادها ما يلي :أيا سيدي الدخلاء اجتاحوا الروادن و التلافز و ولاّو روس و قلنا برّة هانا خلّيناهالهم واسعة و عريضة يرتعّو كيما يحبّو و يكرسّو الرداءة و في نفس الوقت ياكلّو خبيزة!أماّ إنك تسمح لنفسك تتطاول على معهد الصحافة فهذا غير مقبول!

عزيزتي بيّة الزردي؛ معهد الصحافة خط أحمر!ولمعلوماتك و لثقافتك العامة المفقودة: وقت إلي خذيت أنا البكالوريا على سبيل المثال و ليس الحصر، كان باش تدخل للمعهد الصحافة يلزم تكون ماخو الفرنسية option و جايب فيها معدل قوي في الامتحان النهائي، هي و الانجليزية إلى جانب معدلك العام الّي يلزم يكون محترم!

عزيزتي، معهد الصحافة خرّج دكاترة و نساء و رجال تقلدّو مهام عليا في الدولة و أيضا خارجها.أساتذة معهد الصحافة و علوم الاخبار الّي هوما متخرجين من نفس المعهد مطلوبين في أهم كليات الصحافة العربية للتدريس و مراجع في مجالهم وفما منهم الّي كاتبين آلاف المقالات العلمية و عشرات الكتب ….صديقتي ننصحك نصيحة وسْع؛ خلّيك فلّي تعرفو و متمكّنة منّو و ما تتعلطّش على ما تجهلين و ما أكثر ما تجهلين!عزيزتي بية؛ وقتلّي تكون قريت 3 سنين بعد السيزيام بريمار شعبة قصيرة مهنيّة إلّي هي الخياطة، و إلّي انت عمرك ما ذكرتها و يبدو تستعار منها في حين الخياطة مهنة شريفة و متاع ذوق كبير، و دخلت مجال التنشيط الإذاعي بالصدفة، و من بعد التَكْرِنّيك في تلفزة الأفكار لأن من هب و دب ولّى كرونيكور لأسباب متعلّقة بمسألة وحيدة هي البوز، و انت ما شاء الله ابدعت في العرك و المعروك و شريان الشبوك و سبان الناس،

المصدر :الاخبار التونسية

Articles similaires

Bouton retour en haut de la page